Contoh Pidato Bahasa Jawa

Assalamu’alaikum Wr. Wb.

Damai sejahtera damel kita sedaya

Ibu Kepala Sekolah ingkang kinurmatan,

Bapak / Ibu Guru ingkang satuhu luhuring budi,

Para karyawan-karyawati ingkang kinurmatan,

Lan para rencang-rencang ingkang kula tresnani.

Sumangga  langkung rumiyin sami ngaturaken puji syukur dhumateng Gusti ingkang Maha Kuwaos  ingkang sampun maringi rahmat, taufik sarta hidayah saengga kita saged kempal ing acara punika kanthi mboten wonten alangan satunggal punapa.

            Para sederek ingkang kawula hormati, sak menika sekolah kita badhe minuju sekolah Adiwiyata. Kita kedhah nderek ndukung program menika. Setunggalipun program ingkang badhe kita  rembag sak menika  inggih punika ngirangi jumlahipun sampah. Lajeng miturut para hadirin, menapa ingkang saged dipunlampahi? Sedanten punika saged kita lampahi saking hal ingkang alit, inggih punika dipunwiwiti sampah ingkang wonten sakcelakipun kita. Saking milah sampah punika, kita saged nyegah wontenipun sampah ingkang kekathahan.

            Para sederek ingkang kawula hormati, saklintunipun kalihan milahi sampah, cara ingkang lintu inggih punika pengolahan sampah ingkang nerapaken 3R (Reduce, Reuse, Recycle). Reduce ingkang artosipun ngirangi jumlahipun sampah sakkedik-kedik. Reuse ingkang artosipun ndamel malih supados saged ngirangi jumlahipun sampah. Recycle ingkang artosipun barang-barang ingkang sampun mboten saged didamel dipun olah malih dados barang-barang ingkang saged dipun sade. Kita saged angsal bathi saking barang-barang ingkang sampun dipun daur ulang menika. Tamtu kemawon salah setunggalipun ingkang dados tujuan utaminipun inggih punika ngirangi sampah ingkang kathah sanget. Sakmanten ugi kita nggih saged pikantuk penghasilan ingkang kathah saking sadean barang-barang daur ulang punika.

            Dados, pungkasanipun ingkang saged kita pundhut saking rembugan punika supados kita pirsa utaminipun pengolahan sampah kangge sedaya tiang. Tuladhanipun inggih punika warga sekolah supados nyiptakaken lingkungan ingkang sehat lan resik, supados bumi kita saged kopen.

            Mugi-mugi kita kagungan kesadaran kangge utaminipun mbucal sampah dhateng panggenanipun, ugi milahi malih supados nggadhati regi sade ingkang cekap inggil saking sampah-sampah punika, supados wonten kesadaran enggal inggih punika sampah mboten malih dados masalah nanging dados peluang.

            Cekap semanten atur kawula. Menawi wonten pitutur kawula ingkang kirang subasita, kawula nuwun pangapunten. Matur nuwun.

Wassalamu’alaikum Wr. Wb.